الجردة فكازا: كيفاش تبقى ديما نقيّة و زوينة

فالدار البيضاء، بزاف دالناس عندهم جردة فالدّار ولا فالفيلّا، ولكن ماشي كاملين عندهم الوقت باش يبقاو كيتالّاو فيها. جردة إلا ما تهليتيش فيها، دغيا كيتبدل المنظر ديالها: العشبة كتيبس، الشجر كيكبر بعشوائية، والحشرات كيبداو يخرجو. شوية دالعناية من وقت لوقت كافية باش تبقى الجاردا ديالك مرتاحة ونقيّة.

1. السقي خاصو يكون بعقل

فالحر ديال كازا، الزرع كايحتاج الما، ولكن حتى السقي بزاف كايخسر. حسن حاجة هي تسقي مع الصباح بكري ولا مع العشية. بزاف دالناس ولاو كيديرو “ڭوت أ ڭوت” حيث كيوفر الما وكيهني من الصداع.

2. قصّ العشبة والشجر

العشبة إلا طولات بزاف، الجاردا كاتبان مهمولة. وحتى الشجر إلا ما تقصش، كيولي خارج على الشكل ويمكن حتى ييبس من بعض الجهات. جاردينيي مزيان كايعرف شحال يقص ووقتاش.

3. السماد كايعاون الزرع

بحال الإنسان، حتى الزرع خاصو التغدية. السماد الطبيعي ولا “كومبوست” كايعاون التربة تولي مزيانة والنباتات يطلعو بصحة. المهم ما تكثرش من السماد باش ما يتحرقش الزرع.

4. الحشرات والنبتات الخايبة

مرة مرة كيبدا يطلع الحشيش الخايب ولا كيبانو الناموس والحشرات فالجردة. إلا ما تدخلتيش بكري، يقدرو يخسرو ليك الزرع كامل. كاين لي كايستعمل حلول طبيعية وكاين لي كايستعمل منتجات مخصصة.

5. التربة خاصها حتى هي العناية

إلى كانت التربة ناشفة بزاف، الزرع ما غاديش يشد مزيان. دير تغطية خفيفة فوق التربة باش تبقى الرطوبة وما يطلعش النبتات الخايبة بزاف.

6. نظم الوقت ديالك

باش ما تبقاش كل مرة كتفكر شنو خاص يتدار، دير پروكرام بسيط: نهار للسقي، نهار للقص، ونهار تزيد السماد. هكا الجردة تبقى ديما متابعة.

# أفضل أدوات البستنة: ما يحتاجه كل بستاني

خدمات جاردينيي فكازا

إلى ماعندكش الوقت ولا بغيتي الخدمة تكون نقيّة، بريكولي كايعاونك تلقى جاردينيي قريب ليك فكازا. غير نشر الخدمة ديالك، توصلك عروض، واختار لي ناسبك.

فالخلاصة، الجاردا إلا تهليتي فيها شوية بشوية، غاتبقى ديما زوينة ومرتاح فيها. سواء كنتي كدير الخدمة بوحدك ولا مع جاردينيي، المهم هو المتابعة وما تخليش كلشي حتى يخسر.